சூர்யகுமார் அட்டகாசமாக ஒரு மேட்ச் வின்னிங் சதத்தை அடித்திருந்தார். இந்நிலையில், போட்டிக்குப் பிறகான பத்திரிகையாளர் சந்திப்பிற்கு மும்பை அணியின் பேட்டிங் பயிற்சியாளர் பொல்லார்ட் வந்திருந்தார். சூர்யகுமார் யாதவின் சதம் பற்றியும் இந்த சீசனில் மும்பை அணியின் செயல்பாடுகள் பற்றியும் நிறைய பேசியிருந்தார்.
சூர்யாவின் சதம் பற்றி பேசிய அவர், 'சூர்யகுமார் யாதவ் சந்தேகமே இல்லாமல் அபாரமாக ஆடியிருக்கிறார். இக்கட்டான சூழலில் களமிறங்கினார். அவர் இறங்கியபோது பந்து கொஞ்சம் மூவ் ஆகிக்கொண்டிருக்கிறது. சூர்யாவுமே சில பந்துகளில் பீட்டன் ஆனார். ஆனால், தன்னை அந்த சூழலுக்கு ஒழுங்காக வைத்துக் கொண்டார்.கொஞ்ச நேரத்திலேயே தன்னுடைய பணியை செய்யத் தொடங்கிவிட்டார். இடைவெளிகளைப் பார்த்து பவுண்டரி அடித்து கவுண்டர் அட்டாக் செய்ய தொடங்கிவிட்டார். அவருடைய ஆட்டத்தால் எங்களுக்கு எந்த ஆச்சர்யமும் இல்லை.அவர் பயிற்சியில் என்ன செய்கிறாரோ அதை அப்படியே ஆட்டத்திலும் செய்கிறார். அவர் இயற்கையாகவே ரொம்பவே அக்ரஸிவான நபர். எனவே இயல்பிலேயே அவர் பௌலர்களை அட்டாக் செய்துதான் ஆட நினைப்பார்.
பௌலர்கள் கொஞ்சம் ஆதிக்கம் செலுத்தும்போது பந்து கொஞ்சம் மூவ் ஆகும்போது கொஞ்சம் ஒழுங்கோடு நேரம் எடுத்துக் கொண்டு நின்று அட்டாக் செய்ய வேண்டும். அதையும் சூர்யகுமார் சரியாகச் செய்தார்.' என்றார்.
நடப்பு சீசனில் மும்பை அணி சறுக்கியது பற்றி கேட்கப்பட்ட கேள்விக்கு, 'இந்த சமயத்தில் இந்த வெற்றியைப் பற்றி மட்டும்தான் நாங்கள் நினைக்க விரும்புகிறோம். சீசன் முடிந்த பிறகு ஒன்றாக அமர்ந்து என்னென்ன விஷயங்கள் தவறாகின என்பதைப் பற்றி பேசிக்கொள்ளலாம். எப்போதுமே அடுத்து என்ன என்பதைப் பற்றி முன்னோக்கிதான் யோசித்துக் கொண்டிருக்கிறோம்.எங்களுக்கு இன்னும் சில போட்டிகள் இருக்கிறது. அதை நன்றாக ஆட நினைக்கிறோம். அதன்பிறகு, எங்கள் அணிக்குத் தேவைப்பட்ட வெற்றிகள் ஏன் கிடைக்கவில்லை என்பதைப் பற்றி கலந்தாலோசிப்போம்.' என்றார்.
http://dlvr.it/T6X0j1
0 Comments
Thanks for reading