IPL Playoffs Prediction: ` RCB-க்கு வாய்ப்பிருக்கு' - ஆனா, இதெல்லாம் நடக்கணும் - ஓர் அலசல்

நடப்பு ஐ.பி.எல் சீசன் இறுதிக்கட்டத்தை எட்டியிருக்கிறது. இன்னமும் 13 லீக் போட்டிகள்தான் எஞ்சியிருக்கிறது. ஆனால், ப்ளே ஆப்ஸூக்கு செல்லப்போகும் அணிகள் எவை என்பது இன்னும் உறுதியாகவில்லை.

கொல்கத்தாவும் ராஜஸ்தானும் கொஞ்சம் சௌகரியமாக 16 புள்ளிகளுடன் இருப்பதால் அவர்களை விட்டுவிடுவோம். மீதமிருக்கும் இரண்டு இடங்களுக்குதான் இப்போது போட்டா போட்டி. அந்த இரண்டு இடங்களைப் பிடிக்க 7 அணிகள் கச்சைக் கட்டிக் கொண்டு நிற்கின்றன. ப்ளே ஆப்ஸூக்கு தகுதி பெறப்போகும் அந்த 4 அணிகள் எவை?KKR

முதலிலேயே குறிப்பிட்டதைப் போல கொல்கத்தாவும் ராஜஸ்தானும் ஏறக்குறைய ப்ளே ஆப்ஸை உறுதிசெய்துவிட்டனர். எதாவது மிராக்கிளாக நடந்தால் மட்டுமே இதில் மாற்றமிருக்க வாய்ப்பிருக்கிறது. இல்லையேல் 99.99% இந்த இரண்டு அணிகளும் ப்ளே ஆப்ஸில் இருக்கும். இவர்களை விட்டுவிடலாம். இவர்கள் இருவருக்கும் இரண்டு இடங்கள் போக மீதம் 2 இடங்கள் இருக்கிறது. அந்த 2 இடங்களை எந்தெந்த அணிகள் பிடிக்கும் என்பதுதான் இப்போதைய கேள்வி.

நேற்று டெல்லி மற்றும் ராஜஸ்தான் அணிகளிடையேயான போட்டி நடந்திருந்தது. அதில் டெல்லி அணி வென்ற பிறகு புள்ளிப்பட்டியல் இன்னும் சுவாரஸ்யமடைந்திருக்கிறது. இப்போது ப்ளே ஆப்ஸூக்கு செல்ல வாய்ப்புள்ள நான்கு அணிகள் ஒரே புள்ளியில் இருக்கின்றன. சென்னை, ஹைதராபாத், டெல்லி, லக்னோ என அந்த 4 அணிகளும் புள்ளிப்பட்டியலில் மூன்றாவது இடத்திலிருந்து வரிசையாக இருக்கின்றன. நான்கு அணிகளுமே 6 போட்டிகளில் வென்று 12 புள்ளிகளுடன் இருக்கின்றன. சென்னை, ஹைதராபாத், லக்னோ என மூன்று அணிகளும் தலா 11 போட்டிகளில் ஆடியிருக்கின்றன. டெல்லி அணி மட்டும் 12 போட்டிகளில் ஆடியிருக்கிறது.

இந்த 4 அணிகளில் இரண்டு அணிகள்தான் கொல்கத்தா, ராஜஸ்தான் தவிர்த்து ப்ளே ஆப்ஸூக்கு செல்ல அதிக வாய்ப்பிருக்கிறது. இதிலும் குறிப்பாக இன்று லக்னோவும் சன்ரைசர்ஸ் அணியும் ஒரு போட்டியில் மோதுகின்றன. இரண்டு அணிகளுமே ப்ளே ஆப்ஸூக்காக நேரடியாக மோதும் அணிகள். இந்தப் போட்டியில் வெல்லும் அணிக்கு ப்ளே ஆப்ஸ் வாய்ப்பு அதிகரிக்கும். தோற்கும் அணிக்கு வாய்ப்பு குறையும். ப்ளே ஆப்ஸ் ரேஸில் இன்னும் கொஞ்சம் தெளிவும் கிடைக்கும். இந்த 4 அணிகளில் டெல்லிக்குதான் வாய்ப்பு குறைவு. டெல்லிக்கு இன்னும் 2 போட்டிகள்தான் இருக்கிறது. ரன்ரேட்டும் பாதாளத்தில் இருக்கிறது. பெங்களூருவுக்கும் லக்னோவுக்கும் எதிரான அவர்களின் போட்டிகளை வெல்வதோடு மட்டுமல்லாமல் பெரிதாக வெல்ல வேண்டும்.

டெல்லி அந்தளவுக்கு பார்மில் இருக்கிறதா என்பது சந்தேகமே. சென்னை அணி மூன்றில் இரண்டு போட்டிகளை வென்றே ஆக வேண்டிய கட்டாயத்தில் இருக்கிறது. குஜராத், ராஜஸ்தான், பெங்களூர் ஆகிய அணிகளை சென்னை அடுத்து எதிர்கொள்ளவிருக்கிறது. சன்ரைசர்ஸூக்கு லக்னோவுக்கு எதிரான ஆட்டத்திற்கு பிறகு குஜராத் மற்றும் பஞ்சாப் அணிகளுக்கு எதிராக போட்டிகள் இருக்கின்றன. தற்போதைய பார்மின் அடிப்படையில் பார்த்தால் அவர்களுக்கு லக்னோவுக்கு எதிரான போட்டிதான் பெரும் சவால். லக்னோ அணியும் சன்ரைசர்ஸ் போட்டியைத் தவிர்த்து டெல்லி மற்றும் மும்பை அணிகளுக்கு எதிரான போட்டியில் ஆடுகிறது. அவர்களுக்குமே சன்ரைசர்ஸூக்கு எதிரான போட்டிதான் பெரிய சவால்.

இந்த நான்கு அணிகளை கடந்து கீழே இருக்கும் பெங்களூர், பஞ்சாப், குஜராத் அணிகளுமே இன்னும் ப்ளே ஆப்ஸ் ரேஸில் இருக்கின்றன. இந்த அணிகள் 11 போட்டிகளில் ஆடி 4 போட்டிகளில் வென்று 8 புள்ளிகளுடன் இருக்கின்றன. இதில் தற்போதைய பார்ம் படி பார்த்தால் பெங்களூர் அணி எதுவும் சர்ப்ரைஸ் கொடுக்க அதிக வாய்ப்பிருக்கிறது. அவர்களால் 14 புள்ளிகளை எடுக்க முடியும். நான்காவது இடத்தை பிடித்து ப்ளே ஆப்ஸூக்குள் செல்லும் அணிகள் பெரும்பாலான சமயங்களில் 14 புள்ளிகளைத்தான் கொண்டிருக்கும். அப்படியான வாய்ப்புகள் கூட பெங்களூருவிற்கு இருக்கிறது.RCBஆக ப்ளே ஆப்ஸிலுள்ள 2 இடங்களுக்கு 7 அணிகள் போட்டியாளர்களாக நிற்கின்றன. இந்த 7 அணிகளில் சென்னை, ஹைதராபாத், லக்னோ ஆகிய மூன்று அணிகளுக்குதான் ப்ளே ஆப்ஸூக்குள் நுழைய அதிக வாய்ப்பிருக்கிறது.

ப்ளே ஆப்ஸூக்கு செல்லப்போகும் நான்கு அணிகள் என நீங்கள் நினைக்கும் அணிகளை கமென்ட் செய்யுங்கள்.


http://dlvr.it/T6b1qh