ஐரோப்பிய சூப்பர் லீக் உடன் ஒப்பிட்டு மீண்டும் இந்திய ஆடுகளத்தை வசைபாடிய மைக்கேல் வாகன்!

ஐரோப்பிய சூப்பர் லீக் உடன் ஒப்பிட்டு மீண்டும் இந்திய ஆடுகளத்தை வசைபாடிய மைக்கேல் வாகன்! - பதிலடி கொடுத்த ரசிகர்கள்

இங்கிலாந்து கிரிக்கெட் அணியின் முன்னாள் கேப்டன் மைக்கேல் வாகன் ஐரோப்பிய சூப்பர் லீக் உடன் ஒப்பிட்டு மீண்டும் இந்திய ஆடுகளத்தை வசைபாடி உள்ளார். ட்விட்டர் பதிவு மூலம் இதனை பகிர்ந்துள்ளார் அவர். ஆறு கால்பந்தாட்ட கிளப் அணிகள் விளையாடும் ஐரோப்பிய சூப்பர் லீக் தொடரை ஆறு அணி வீரர்களும் புறக்கணித்துள்ளனர். அதனால் தொடர் நடத்தப்படாமல் கைவிடப்பட்டுள்ளது. 

இந்நிலையில் அந்த லீக் தொடரை இந்தியாவில் நடைபெறும் டெஸ்ட் கிரிக்கெட் போட்டியுடன் ஒப்பிட்டுள்ளார் வாகன். 

“ஆக சூப்பர் லீகும் இந்தியாவில் நடத்தப்படுகின்ற டெஸ்ட் போட்டியை போல தான். மோசமான ஆடுகளத்தில் விளையாடி மூன்று நாட்களில் ஆட்டம் முடியும்” என ட்வீட் செய்துள்ளார் அவர். 

அதற்கு ரசிகர் ஒருவர் “இன்னும் ஏன் இந்திய ஆடுகளம் குறித்து நீலி கண்ணீர் விடுகிறீர்கள்?” என பதில் ட்வீட் செய்துள்ளார். இப்படி பலரும் அவரது ட்வீட்டுக்கு பதில் ட்வீட் செய்து Troll செய்து வருகின்றனர். 

So the Super league was like one of the Test matches in India ... Played on a dodgy pitch lasting 3 days ... !!!

— Michael Vaughan (@MichaelVaughan) April 21, 2021

அண்மையில் இங்கிலாந்து மற்றும் இந்திய அணிகளுக்கு இடையிலான கிரிக்கெட் தொடர் இந்தியாவில் நடைபெற்றது. இதில் டெஸ்ட் (3-1), ஒருநாள் (2-1) மற்றும் டி20 (3-2) என அனைத்து தொடரையும் இந்தியா வென்றிருந்தது. 

Source : WWW.PUTHIYATHALAIMURAI.COM

from Puthiyathalaimurai - Tamil News | Latest Tamil News | Tamil News Online | Tamilnadu News https://ift.tt/3sJfABk
via IFTTT