“தோனியின் அட்வைஸ்தான் கடைசி ஓவரில் 37 ரன்கள் விளாச எனக்கு உதவியது!” - ஜடேஜா

ராயல் சேலஞ்சர்ஸ் பெங்களூர் அணிக்கு எதிராக சென்னை சூப்பர் கிங்ஸ் அணி அண்மையில் முடிந்த ஆட்டத்தில் 69 ரன்கள் வித்தியாசத்தில் வெற்றி பெற்றது. பேட்டிங், பவுலிங், ஃபீல்டிங் என மூன்று டிபார்ட்மெண்டிலும் மாஸ் காட்டி இருந்தார் சென்னை அணியின் ஜடேஜா. கடைசி ஓவரில் மட்டும் 37 ரன்களை ஜடேஜா விளாசி இருந்தார். அதற்கு காரணம் தோனியின் அட்வைஸ்தான் என தெரிவித்துள்ளார் ஜடேஜா. 

“அணியின் வெற்றிக்கு எனது ஆட்டம் உதவியதால் அந்த அனுபவம் தனி தான். ஒவ்வொரு நாளும் ஃபிட்னெஸ், திறன் மாதிரியான விஷயங்களில் அதிக கவனம் செலுத்தி வருகிறேன். அந்த உழைப்பு கிடைத்த ஊதியம்தான் இந்த ஆட்டம். ஒரு ஆல் ரவுண்டராக மூன்றையும் செய்வது கொஞ்சம் கஷ்டம். பயிற்சியில் கூட மூன்று விஷயங்களையும் நான் கவனம் செலுத்த மாட்டேன். ஒவ்வொரு நாளும் தனித்தனியே தான் பயிற்சி மேற்கொள்வேன். 

இறுதி ஆட்டத்தில் அடித்து ஆட வேண்டும் என்பதில் உறுதியாக இருந்தேன். நிச்சயமாக ஹர்ஷல் பட்டேல் பந்தை கிட்டதட்ட அவுட்சைட் ஆப் ஸ்டெம்பில் தான் வீசுவார் என தோனி சொல்லி இருந்தார். அந்த அட்வைஸ் எனக்கு ரொம்பவே உதவியது. நல்ல வேளையாக பந்தும் அப்படிதான் வந்தது. எனது சிறப்பான இன்னிங்ஸ் இது” என ஜடேஜா சொல்லி உள்ளார். 

ஜடேஜாவை எதிரணியின் கேப்டனான விராட் கோலியும் புகழ்ந்திருந்தார் என்பது குறிப்பிடத்தக்கது. 

Source : WWW.PUTHIYATHALAIMURAI.COM

from Puthiyathalaimurai - Tamil News | Latest Tamil News | Tamil News Online | Tamilnadu News https://ift.tt/3nkZpJH
via IFTTT