தீபக் சாஹர் அசத்தல் பவுலிங்! சென்னையின் வெற்றிக்கு 107 ரன்கள் இலக்கு

நடப்பு ஐபிஎல் சீசனின் எட்டாவது லீக் ஆட்டத்தில் சென்னை சூப்பர் கிங்ஸ் மற்றும் பஞ்சாப் கிங்ஸ் அணிகள் மும்பை வான்கடே மைதானத்தில் விளையாடி வருகின்றன. டாஸ் வென்ற சென்னை அணி பந்து வீச்சை தேர்வு செய்தது. அதனால் முதலில் பேட் செய்த பஞ்சாப் அணி 20 ஓவர்களில் 8 விக்கெட் இழப்பிற்கு 106 ரன்களை குவித்துள்ளது. 

அந்த அணிக்காக கேப்டன் கே. எல். ராகுல் மற்றும் மயங்க் அகர்வால் இன்னிங்ஸை ஓப்பன் செய்திருந்தனர். இருவரும் நல்ல தொடக்கம் கொடுப்பார்கள் என்ற எதிர்பார்ப்பு ஏமாற்றத்தில் முடிந்தது. தீபக் சாஹர் வீசிய முதல் ஓவரின் நான்காவது பந்தில் அகர்வால் போல்டானார். தொடர்ந்து மூன்றாவது ஓவரின் ஐந்தாவது பந்தில் ஜடேஜாவின் அற்புதமான டைரக்ட் ஹிட்டால் கே. எல். ராகுல் நடையை கட்டினார். 

Cleaned him up!@deepak_chahar9 bowls an absolute beauty that leaves Mayank Agarwal flummoxed. #CSK strike on the 4th ball of the match!https://t.co/P8VzT4XXbb #PBKSvCSK #VIVOIPL pic.twitter.com/o6C48jdo0w

— IndianPremierLeague (@IPL) April 16, 2021

தொடர்ந்து சாஹர் வீசிய ஐந்தாவது ஓவரின் இரண்டாவது மற்றும் நான்காவது பந்தில் கெயில் மற்றும் பூரன் அவுட்டாகி பெவிலியன் திரும்பினர். அதோடு சாஹர் வீசிய ஏழாவது ஓவரின் முதல் பந்தில் தீபக் ஹூடாவும் காலியானார். பின்னர் தமிழகத்தை சேர்ந்த ஷாருக் கான் மற்றும் ரிச்சர்ட்சன் பஞ்சாப் அணிக்காக இணைந்து விளையாடினர். இருவரும் 31 ரன்களுக்கு பார்ட்னர்ஷிப் அமைத்தனர். இருப்பினும் மொயின் அலி சுழலில் ரிச்சர்ட்சன் விக்கெட்டை இழந்தார். 

தொடர்ந்து களம் இறங்கிய முருகன் அஷ்வினுடன் 30 ரன்களுக்கு பார்ட்னர்ஷிப் அமைத்தார் ஷாருக். ஆட்டத்தின் பதினேழாவது ஓவரில் பிராவோ வேகத்தில் முருகன் அஷ்வினும் அவுட்டானார். ஒருபக்கம் விக்கெட் விழுந்து கொண்டிருந்தாலும் ஷாருக் களத்தில் ஒற்றையாக நின்று ரன் குவிப்பில் ஈடுபட்டார். 36 பந்துகளில் 47 ரன்களை குவித்தார். இதில் 4 பவுண்டரிகளும், 2 சிக்ஸர்களும் அடங்கும். கடைசி ஓவரில் அவர் விக்கெட்டை இழந்தார். 

Haule haule, Shahrukh! ?#SaddaPunjab #PunjabKings #IPL2021 #PBKSvCSK pic.twitter.com/DgCwxlicQh

— Punjab Kings (@PunjabKingsIPL) April 16, 2021

பஞ்சாப் அணியின் டாப் ஆர்டரை தீபக் சாஹர் காலி செய்ததன் மூலம் சென்னை அணி இருபது ஓவர்களில் 107 ரன்கள் எடுத்தால் வெற்றி என்ற இலக்கை விரட்டி வருகிறது. இந்த போட்டியில் வென்று சென்னை ஐபிஎல் 2021 சீசனில் தனது வெற்றி கணக்கை தொடங்கும் என எதிர்பார்க்கப்படுகிறது.

Source : WWW.PUTHIYATHALAIMURAI.COM

from Puthiyathalaimurai - Tamil News | Latest Tamil News | Tamil News Online | Tamilnadu News https://ift.tt/3xa0kRN
via IFTTT